सूरज चव्हाणवर तत्काळ गुन्हा दाखल करा : शिवक्रांती सेना
बिंदास मिडीया टीम
राष्ट्रवादी काँग्रेस (अजित पवार गट) चे युवा प्रदेशाध्यक्ष सूरज चव्हाण यांनी छावा संघटनेचे युवक प्रदेशाध्यक्ष विजयकुमार घाडगे पाटील आणि सामाजिक कार्यकर्ते प्रवीण गायकवाड यांच्यावर हल्ला केला. या घटनेचा शिवक्रांती सेनेने निषेध केला. चव्हाणवर भादंवि कलम ३०७ आणि मोक्का तर्गत गुन्हा दाखल करण्याची मागणी संघटनेने केली.
या संदर्भात २२ जुलै रोजी वैजापूर पोलीस निरीक्षकांकडे निवेदन देण्यात आले. निवेदनात कृषिमंत्री माणिकराव कोकाटे हे विधानभवनात ऑनलाइन रमी खेळत असल्याचा आरोप करण्यात आला. कोकाटे यांचा तात्काळ राजीनामा घेण्यात यावा, अशी मागणी करण्यात
आली. मुख्यमंत्री आणि गृहमंत्र्यांनी त्वरित कारवाई करून कोकाटे यांची आमदारकी रद्दकरावी, असेही निवेदनात नमूद आहे. महाराष्ट्र हा शाहू-फुले-आंबेडकरांच
या विचारांचा आहे. मात्र सत्ताधाऱ्यांकडून सामाजिक चळवळीतील कार्यकर्त्यांवर हल्ले करून त्यांचा आवाज दडपण्याचा प्रयत्न सुरू आहे, असेही निवेदनात म्हटले आहे. आरोपींवर त्वरित कारवाई झाली नाही तर राज्यभरातील संघटना, शेतकरी आणि सामान्य जनता रस्त्यावर उतरेल, असा इशाराही देण्यात आला. निवेदनावर सोमनाथ मगर, चंद्रशेखर साळुंके, किशोर मगर, सुनील बोडखे, गणेश निंबाळकर, मोतीभाऊ वाघ, धनंजय गायकवाड, अजय मोटे, गणेश कदम, नितीन निकम, वाल्मीक इंगळे, संजय क्षीरसागर यांच्या स्वाक्षऱ्या आहेत.
