धनादेश अनादरण: Cheque dishonour: आरोपीस 2 वर्षाची सश्रम कारावास 2,76,000/- हजार रुपये नुकसाभरपाई देण्याचे आदेश
वैजापूर/छञपती संभाजीनगर
येथील जैन व्हेईकल फायनान्स वैजापूर कडून कर्ज म्हणून घेतलेल्या रकमेच्या परताव्यासाठी दिलेला धनादेश न वटता अनादरीत होऊन परत आल्या प्रकरणी आरोपीस 2 वर्ष सश्रम कारावास तसेच रूपये 2,76,000/- हजार रुपये नुकसाभरपाई फिर्यादी जैन व्हेईकल फायनान्स वैकापुर लां द्यावी व रक्कम न भरल्यास अतिरिक्त 3 महिने साध्या कारावासाची शिक्षा असे आदेश 3 रे प्रथम वर्ग न्यायदंडाधिकारी श्रीमती व्ही. आर. कुलकर्णी यांनी दिले.
याबाबत अधिक माहिती अशी की, वैजापूर येथील जैन व्हेईकल फायनान्स वैजापूर यांचे कडून आरोपीने वाहन खरेदीसाठी सदर जैन व्हेईकल फायनान्स वैजापूर कडून वाहन कर्ज घेतले होते.
असे की, कर्जाऊ घेतलेल्या रकमेची ठरल्याप्रमाणे परतफेड न केल्यामुळे फिर्यादिने आरोपीकडे सदर रकमेची मागणी केली तेंव्हा आरोपीने फिर्यादी जैन व्हेईकल फायनान्स वैजापूर चां नावाने दि. 13 फेब्रुवारी 2013 रोजीचा रक्कम रूपये 1,38000/-, चा औरंगाबाद जिल्हा मध्यवर्ती सहकारी बँक शाखा शिवूर ता. वैजापूर चा धनादेश दिला.
सदरचा धनादेश फीर्यादिने मर्चंट को. ऑपरेटिव्ह बँक लि. शाखा वैजापूर शाखा ता. वैजापूर येथे वटविण्यासाठी टाकला. परंतु पुरेशा रकमेअभावी आरोपीने दिलेला धनादेश न वटता अनादरित होऊन परत आला.
धनादेश न वटता अनादरित होऊन परत आल्यानंतर फिर्यादिने आरोपीस नोटीस पाठवून अनादरीत झालेल्या धनादेशाची रक्कम जमा करण्यास सांगितले होते. परंतु नोटीस मिळूनही आरोपीने धनदेशाची रक्कम मुदतीत जमा केली नाही.
त्यामुळे फिर्यादीने आरोपीविरुद्ध वैजापूर येथील न्यायालयात धाव घेऊन ॲड. मजहर करीम बेग यांचेमार्फत चलनक्षम दस्तऐवज कायद्याचे कलम १३८ नुसार फिर्याद दाखल केली होती.
न्यायालयाने उपरोक्त प्रकरणातील परिपूर्ण फिर्याद, साक्षीपुरावा व फिर्यादी जैन व्हेईकल फायनान्स वैजापूर चे वकील adv मजहर करीम बेग केलेल्या प्रभावी युक्तिवादाच्या आधारावर न्यायालयाने आरोपीस वरीलप्रमाणे दणका दिला. प्रकरणात फिर्यादी जैन व्हेईकल फायनान्स वैजापूर तर्फे ॲड. मजहर करीम बेग यांनी काम पाहिले.
